Шолже дӏахьош ба, керттера базар меттаоттаеш бола болх
Шолже карарча шера маьтсела бетта яьга хинна керттера базар меттаоттаеш бола болх дӏахьош ба.
Гӏалгӏай Республикан Кулгалхочун, Паччахьалкхен зарбан болх лелабераша яхачох, Свердлова, Грозненски, Выгонни урамаш вӏашагӏкхеташ йолча моттиге хинна мах бара даькъ тӏара гӏишлош хӏанз «Базар «Шолже» ООО юридически цӏи йолаш хургья. Цаӏ вола керда доалахо тӏахьожам лоаттабеш хургва 3,1 га долча даькъ тӏа.
Маьтсела бетта 1-ча дийнахьа из хьал оттарах, яьгаяр 228 павильон, из доазув деррига цӏендир, тоадир. Хӏанз из кердадоаккхаш, керда таронаш хьакхоллаш латт, мах беш лаьттараша кердача моттигий хургйола дизайн-проекташ техкар.
Гӏалгӏайчен кулгалхочо Келаматанаькъан Махьмуд-ӏаьлас лоархӏ, из цӏи яларо массанена дика хьалхадаьккхар, вӏалла дагадоацар хила йиш йолга.
«Хьалхагӏа дукхагӏа бола мах бераш къайлагӏа болх беш бар, цо толхайора кхерамзлен бокъонаш, из наха унзара хьал а дар. Хӏанз мах беш йола павильонаш шоай боарамах хьалъеш я, хӏара моттиг ше къаьстта а кхерамзленца ӏалашо яь а я», - аьлар республикан кулгалхочо.
