Шолжа-Шахьаре кердача шера цӏайца ювзаенна кхерамзлен Ӏалашо ергья
Шолжерча Ӏаьдало кхерамзлен Ӏалашо ергья, бахархошта кердача шера цӀай дӀахьош. Из хаттар дар терроризма духьала болх беш йолча комиссе кхетаче дийцар, аьлар «Сердало» газетага мэре зарбан болх лелабераша.
«АргӀанара кхетаче дӀайихьар Шолжа-Шахьара кулгалхочун гӀончас Беканаькъан Халата. Дувца оттадаь дош дар Ӏан цӀайца дувззаденна денош долча юкъа, бахархой кхерамзленна Ӏалашо яр. Цох бехктокхамечар дийцар нах мах беш латтача моттигашка, кхыйолча фусамашка кхерамзлен Ӏалашо яь хила езарах. Иштта дийцар доазол арахьара нах хьачуахар тӏахьожам болаш хила дезарах, уж ба Российски Федераце бахаш боацараш», - аьлар хоамо.
Беканаькъан Халата белгалдир, терроризма духьалара болх дикагӀа дӀабахьара, тайп-тайпарча гӏулакхерча наха, иштта Ӏаьдала болхлоша шоай декхараш дика кхоачашде дезарах.
