Шолже дийцар Ӏанга кхерамзлен Ӏалашо е езаш хиларах
31.10.2024 12:05
Шолжа администраце кхетаче дӀайихьар. Цига керттера дийца дош дар хьатӀадоагӀача Ӏанга кийчо е езаш хилар, кхерамзлен Ӏалашо еш.
Кхетаче дӀахьош вар шахьара кулгалгалхочун гӀонча Сейнарой Бахьаудин, цига иштта дакъа лоацаш бар мэре, коммунальни гӀулакха болхлой, Шолжа кхален дарбанчен лораш, кхыбола говзанчаш.
Кхетачен доакъашхоша техкар йӀовхалца Ӏалашо яра дола хаттараш, технически хьал, иштта дийцар Ӏан замах бахархошта эшача боараме йӀовхал лоаттае езарах, кхерамзленна Ӏалашо хилийтарах.
