«Театра кхоллама бийса» дӏахьоргья Шолжа-Шахьаре
Укх бетта 27-ча дийнахьа Ахмадовгӏар М. пьесах йола «Хьамсара нус» яха спектакль гойтаргья паччахьалкхен кагирхой театра актёраша. Россе театра къахьегамхой Союза 150 шу дизарца дӏахьош бола Ерригача Россе «Театра кхоллама бийса» яха болам хьаллоацаш ба из болх. Шолжа-Шахьарерча культуран Двореце хургья спектакль.
«Хьамсара нус» яха къаман хӏама довзийташ йола спектакль бахархошта езаенна дукха ха я. Моллагӏча ханага кхаьчачун хьажа догдоагӏаш комеди я из. Вайна массанена дика бовзаш, безаш бола актёраш ба сцена тӏа арабоалараш – Йовлой Ахьмад, Гӏоандалой Зарета, Озанаькъан Муртаз, Ганенаькъан Хьава, Кокурхой Зульфия, Бузуртанаькъан Адам, иштта кхыбараш а», - дийцар «Сердалога» кагирхой театре. Из спектакль лаьрххӏа юкъейихьай «Да-нана музее, театре дига» яхача берригача болама.
Укх бетта 21-ча денгара бекарга бетта 5-ча денга кхаччалца, шоай гаргара нах Пушкина картага гӏолла спектаклага хьажа беха йиш йолаш ба бахархой. Дезалца цхьана арабаьнна хоза ха дӏаяхьа аьттув ба из.
