Берий «ӏоажал йоаца сур» яха болам дӏабихьар Шолжа-Шахьаре
Тӏема истори дийндеш, ураотташ ба тахан боккхийбараш, къонабараш, иштта бераш а. «ӏоажал йоаца сур» яха болам хьаллаца арабаьлар Шолжа-Шахьаре. Шахьарерча № 1 йолча ишколера дешархой, «Светлячок» яха берий бешара бераш дар болам хьаллоацаш, боккхийчарца доладеннараш. Боккхача тӏема доакъашхой сурташ доаккхалца айдаь долхар бераш, ураме гӏолла дегагӏоз хинна гӏа боаккхаш.
«Кхетаче дӏайихьар дагалоаттама, сийлен Парке. Берий бедоахкар Сийлахь-боккхача Даьймехка тӏема ветераний, иштта таханарча тӏема операце доакъашхой сурташ.
Тӏема истори массахана дийна хургдолга, турпалал гойташ лаьттарий цӏераш боча йолаш дегашка яхаргйолга белгалдеш дар из. Иштта долча боламаша, зӏамига болча хана денз, шоай истори лархӏа, Даьхе еза ӏомаду бераш», - дийцар «Сердалога» цу моттигера.
Цхьаккха хӏама дицденнадоацилга, цхьаккха а вицлургвоацилга хьагойтар берий болама. Фашист вохавеш, лира тохаш, вай лаьтташкара эккхавеш лаьттарий истори къонача тӏехьен довзийтар лоархӏамеча декхарех да!
