Наьха тайп-тайпара хаттараш да. Масала, КIуренаькъан Айзана, Султиганаькъан Луизас Шолжа кулгалхочунгара дийхар, могаш боацаш хиларах, ахчанца новкъостал дар. Iумаранаькъан Аслана тIадиллача декхарах, хьатIадоагIача шера кхычарна деш дола ахчанцара новкъостал дергда царна.

Луначарске, Чернышевске шин урам тIа баха нах, газ дика хьайоагIаш цахилара латкъаш бар. Тишъенна турбаш хийцачул тIехьагIа, цу цигарча болхлоша дIа ца къовлаш, кIоагаш дитад наькъ тIа. Из хаттар кхоачашде, шахьара администраце цу компанена хьалхашка декхар оттадергда; уж дIакъовла, аьнна.

Цул совгIа, Iумаранаькъан Асланагара лаьтта дехаш хинна нах а дукха бар. Шолжа мэре хоам беш ма хиллара, дукхагIа дола хаттараш цунца а иштта вахара политикаца а дувзаденна дар.