Шолже цӀерах мишта лорабала беза Ӏомабу
Шахьара администраце болхлошца цхьана, МЧСа болхлоша Шолже дӀахьу, цӀеношка йӀовхал лоаттаю ха хиларца бувзабенна цӀи ялара кхерамзлен болх. Эггара хьалха уж бахар таро йоацаш бахача наьха фусамашка хьажа, яхаш, дийцар «Сердало» газетага.
«ЦӀерца къовсам лоаттабераша бахархошта хьалхадаьккхар, моллагӀа йоагаеш йола хӀама ший йоагӀача беса мара лелае йиш йоацилга, из лотаялар кхераме хилар. ЦӀерах нах лорабеш бола болх дӀахьош, дийцар каст-каста тока саьргашка хьожаш хила безилга, токаца леладу гӀирсаш тӀахьожам боацаш леладе йиш йоацилга.
Юххера а, цӀи йоаеча болхлоша; цӀаьхха, дагадоацаш, цӀи лотаенна хӀама нийслойя; хьалхарча аргӀагӀа де дезар тӀадола каьхаташ дитар бахархошта, шоаш дӀаболхаш», - аьлар Шолжерча администраце.
АргӀанара цу тайпара болх дӀахьоргба, нах бахача цӀеношка, шахьара культуран цӀен даькъ тӀа.
