Шолже болх бе йолаелар, дукха лоархӀам бола керда ФОК
ХӀанз шоай вахар спортаца даим дувзаденна хилар ловш бараш, аха йиш йолаш ба Шолжерча физкультурно-унахцӀенон моттиге. Спорта центр хьалъяьй «ДегӀаахар» яхача къаман проекта чуйоагӀаш, спортаца ювзаенна ха тайп-тайпара дӀаяхьа йиш йола таронаш я цу чу.
Кхозза вӀаштӀара яьча гӀишлон чу 200 кв метр бола бассейн, спортзал, тренажерни зал, къаьстта фитнес-зал я кхалнаха лаьрхӀа, иштта латара йола залаш, лорий моттиг я.
Цул совгӀа, ФОКа доазон тӀа адара бола 25 метр бӀаьха биъ никъ ба, халонех чакхвалара бола оаса, трибунаш, кхы а дукха таронаш я. ХӀанз спортивни комплексе шоай болх дӀаболабаьб бокса, кӀалкхетаргах латара секцеша, яхаш, дийцар шахьара администраце.
ФОК хьалъяьй ГӀалгӀайчен Кулгалхочо аларах.
Кхы а 2022 шера Келаматанаькъан Махьмуд-Ӏаьла вахар, Дзовранаькъан БайӀаьлан цӀерагӀча спортивни комплексо болх мишта бу хьажа. Гуш хилар хила езача беса из хьалъеш цахилар. Цига бахача нахаца къамаьл деш, мехка кулгалхочо дош делар; кастлуш из ФОК хьалъяь яргья, аьнна.
