МагӀалбика кхален ТИКе хьежар, яьссача моттига мандат дӀадалара дешага
МагӀалбика кхален даькъ тӀарча хоржама комиссе, кулгалхо Мержой Исраил кертте волаш, балха кхетаче дӀайихьар, цига дийца керттера дош дар СоагӀапча депутата мукъадаьнна мандат кхыча сага дӀадалар.
«Дувца оттадаьча деша чудоагӀаш, комиссе доакъашхоша каьхаташ, иштта бокъо луш йола кӀийле йийцар, депутата мандат кхычунга дӀадалара.
Цу тайпара, моттигерча «ЦаӀ йолча Россе» политически парте баьча бартах, из моттиг дӀаелар парте викала Аькхмарзанаькъан Мусай Ахьмада.
Из тӀаийцар лаьрхӀа ма хиллара. ТИКе белгалдир, яьсса моттиг кхычун дӀаялара бола болх законах доагӀаш ма хиллара дӀабихьа хилар», - аьлар «Сердало» газетага МагӀалбика кхален администраце.
Мержой Исраила белгалдир; хоржама закон лорадар лоархӀаме да, аьнна. Цох дола хаттар кхоачашдеш хила дезилга, моттигерча совете цу юртарча бахархой хьашташ ма дарра довзаш хургдолаш.
