Гранташцара дехар чудаларах дувцаш, кхетаче дӏайихьар ТЮЗе
Гранташцара дехар чудалара болх бувцаш, кхетаче дӏайихьар мехкарча берий театре. Культуран оагӏонца дувзаденнарех йолча Президента ганза вӏашагӏъеллача кхетаче дакъа лоацаш хилар Парламента вице-спикер вола Пхьаранаькъан Руслан. Цо белгалдир, иштта йола семинар дӏаяхьар тахан лоархӏаме долга, хӏана аьлча керттера хаттараш дашха аьттув ба кхетаче.
«Оаш дакъа лацар лоархӏаме да тахан. Кердача хувцамашка бодача наькъ тӏа цхьаццадараш юкъедоаладарах дувцаргда тахан гулбеннараша», - белгалдир вице-спикера.
Семинаре дийцар кхоллама проекташ йоаржаяра тӏехьа кхоачашде дезарех, культуран оагӏонца лоархӏамедарех. Гулбеннарашта пайдане хургдола дукха хӏамаш дайзар цига.
Кхетаче кийчъяьр «Са бизнес» яха оагӏув бар. Цига дакъа лоацаш бар АНО «Са бизнес» яхача оагӏон кулгалду Албохчанаькъан Исмаӏал, культуран оагӏонцарча Президента ганза болхлой, иштта кхыбараш а.
