Прокуратураца цхьана бахархой тӏаийбеш хургва сага бокъонех вола викал
15.03.2026 01:21
Укх бетта 17-ча дийнахьа бахархой тӏаийбеш ди хургда, сага бокъонех вола викал волча. Иштта цига дакъа лоацаш хургва республикерча прокурора хьалхара гӏонча Воробьев Темур. Цу тайпара дӏахьош йола кхетаче дикагӏа пайда беш хул бахархошта.
«Моллагӏа хаттар дашха хьатӏабахка йиш йолаш ба бахархой. Хьатӏавоагӏача сагага паспорт хила деза, иштта ше тӏаденача гӏулакхах дола каьхаташ а. Дӏаязвала йиш я 8-963-172-42-70, 8 (8734) 77-25-87 телефон дӏатеха, хӏара денна ийс сахьатагара пхиъ даллалца йолча хана», - дийцар «Сердалога» УПЧ.
Бахархошца бувзам лоаттабеш хиларо цар вахарера кхоачамбоацараш гучадоах. Боаггӏача боараме наьха хӏама тохкаш, болх дӏабахьа лерхӏ хьакимаша. Белгалде деза, бахархошта из тахан боккха аьттув луш долга.
