Заьзгакъонгий-Юрта берий беш хьалъе лерхI
МагӀалбика кхален Заьзгакъонгий-Юрта, карарча хана болх беш цхьа берий беш мара яц, цига 400 гаргга бер да. Бакъда из гӀишло 220 бера лаьрхӀа мара яц. Иштта чӀоагӀа из эшаш хиларах, ГӀалгӀайчен Паччахьалкхено цхьаькха берашта лаьрхӀа йола гIишло хьалъе лерхӀ.
Берий беш хьалъяра дола дехар Россе юртбоахама Министерстве дӀадахьийтар «Юртара доазонаш дегӀадоаладар» яхача паччахьалкхен программанна чудоагӀаш.
Карарча хана, из проект тохкаш я федеральни боахама балхлой тоаба. Нагахьа санна из хьаллоацаш хуле, Заьзгакъонгий-Юрта 2025-2026 шерашка, деша даха ха йоацача берий 220 моттиг йола гIишло хьалъергья.
Юрта 5 эзар гаргга саг вах. ДегӀайоагӀаш йолча юрта кхоачам болаш дац вахара хьалаш, цудухьа берий даьшта а хала да берий беш ца хилча. Керда берий беш хьалъяро уж хьалаш тоадергда, наха паргӀато хургья балха баха, бераш кхеде, лерттӀа вахара никъ дӀабахьа таронаш хургья», - аьлар ГӏалгӀайчен кулгалхочо Келаматанаькъан Махьмуд-Ӏаьлас.
Белгалду, «Юртара доазонаш дегӀадоаладар» яхача паччахьалкхен программанна чудоагӀаш да, юрта бахача наьха вахар тоадар, царна дукхагӀа эшаш дола хьалаш вӀашагӀдохкар, иштта кхы дуккхадараш.
