Наьсарера СВО ветеран Цисканаькъан Ислам дарба деш хургва Пятигорске
12.03.2026 15:43
Наьсаре вахача ЛаьрххӀача тӀема операце ветерана Цисканаькъан Ислама дарба дергда Пятигорске. Куран санаторе ваха цунна путевка енний, «Даьхен лорабой» ганза филиала новкъостал а деш.
«2022 шера тӀема декхар кхоачашдеш, чов хинна ва бӀухо. Лакха говзал йолча лорашкара дарба эш цунна, цудухьа цо «Даьхен лорабой» ганзагара новкъостал дийхар. ЗаӀапхой балха оагӀув лелаеча вахарца ювзаеннача говзанчас Беканаькъан Мадинас ший аргӀагӏа новкъостал дир цунна ГӏалгӀайченал арахьа дарба де ваха», - аьлар хоамо.
«Вай декхар да; денал, майрал гойташ; тӀема гӏулакх дӀахьош лаьттача бӀухой хьашташ кхоачашде. Цар могашал меттаоттаеш, уж хьалха хиннача вахарга боахаш деррига а де деза», - аьлар ГӀР «Даьхен лорабой» ганза кулгалхочо Оздой Муслима.
