«Фусам-Нана» яхача яхье котало яьккхача кхалсагаца кхетаче дӀайихьар Сластенин Владимира
Премьер-министр волча Сластенин Владимира вӀашагӀкхетар дӀадихьар «Фусам- Нана» яха республикера эггара хьалхара яхьаш вӀашагӀъехкача юкъарлон доакъашхо йолча Бохтаранаькъан Лейлайца, иштта цу яхьашка котало яьккхача дукхача дезала нана йолча Беканаькъан Тамарайца.
Яхьашка чулаьцараш дукха дар: тайп-тайпара даараш кийчде хар, истинг кхоллар, бер нийса дӀахьоарчадар, ага диллар, байташ язъяр, иштта кхыдараш а. Премьер-министра доакъашхошта елар «ГӀалгӀай республикан паччахьалкхен 100 шу дизар» яха майдилгаш. Белгалде деза, Бохтарнаькъан Лейлас уж яхьаш вӀашагӀйохкарал совгӀа, уж дӀахьош дакъа лаьцалга.
Дукха ха йоацаш, ерригача Россе дӀайихьача «Миссис Росси-2024» яхача яхьашка котало яьккхача цунна лайра вай мехка а кӀоарга говзал йола, хьинаре кхалнах белгалбеш йола яхьаш вӀашагӀйохка.
