ГӏалгӀай Республикан, Паччахьалкхен зарбан болх лелабераша беча хоамах, дукха ха йоацаш дӀабихьар вахара-психологически тохкам 136 ишколе, 18-тта колледже. Хаттараш деннача 29 эзар сага юкъе 1700 совгӀа сага гойтар воча наькъ тӀа валара тӀакхувш хилар. Цох дола бакъдар дӀадахьийтад унахцӀенон Министерстве, дӀахо цу моттигашца болх бергболаш, уж лорашка чакхбоахаргболаш.

Дика дакъа лоацаш я наркоманеца къовсам лоаттабара юкъе кагирхой гӀулакхех йола Комитет а. ЛоӀамхой тароний центраца дукха герга истолаш, лекцеш, кхы болх дӀахьу. Цунца цхьана вахара бувзамашка, СМИ зулама духьале яра болх а дӀахьу, цул совгӀа юкъарча пайдане болча балха юкъекхувл кагирхой.

Миннаца ший аргӀагӀа телевиденеца цхьана болх бу, наркоманена духьала массайолча моттигашка болх боаржабеш.

«Наркоманеца къовсам лоаттабе беза шейолча юкъара болх беча моттигаша, из цу даькъ тӀара хьал аттача даккхара эшаш ба. ЛоархӀаме да, сага са а иштта дегӀ а хӀалакдеча цу ийрчача гӀулакхаца къовсам лоаттабара беррига нах юкъебалар; дешара моттигаш, балха тоабаш, юкъара цхьанкхетараш, бахархой шоаш хила беза цунна тӀехьа», - аьлар ГӏалгӀайчен кулгалхочо Келаматанаькъан Махьмуд-Ӏаьлас.