«Кавказ» наькъал гӀашлой сехьабувла моттиг меттаоттае лерхӀ Ӏаьдало
Бахархоша дукха дехар даь, тахан цар дехар кхоачашдеш, болх дӀаболабе лаьрхӀад мехкарча кулгалхоша. Наьсар-Кертерча «Кавказ» яхача наькъал дехьабувла кхераме йоаца моттиг къоастае лаьрхӀад Мехкадас, республикерча Паччахьалкхено.
Мехкадаь зарбан болх лелабераша белгалдечох, из проект кхоачашъеш, лаьтта кӀалгӀолла йода тоаянза йола моттиг юкъелоацаргья. Росавтодора дӀатӀаийцаб из болх шийна, хӀаьта шахьара администраце гӀашлой наькъаш, гонахьара моттиг меттайоалаергья.
Келаматанаькъан Махьмуд-Ӏаьлас белгалдир, бахархой кхерамзленца, къаьстта берий хьалаца дувзаденнараш шийна эггара керттерчарех долга.
«Шахьара мэра Оздой Руслана тӀадиллад болх ма хулла сихагӀа чакхбаккха, бахархошта дехьабувла паргӀата, кхераме йоаца моттиг хилийта, аьнна», - белгалдир вай Мехкадас.
