Сага бокъонех вола викал юкъеварах, дезала нанна доагӀаш дола ахча хьаделар
ГӏалгӀайчен сага бокъонех волча викалга леткъар, пхи бер кхоабаш ягӀа яхархо. Цун лоткъам бувзабенна бар, берашта доагӏа ахча соцадаь хиларца.
Электронни дехар яздеча хана, даь технически гӀалат бахьан долаш, хоамашта юкъе из гӀалат нийсделар, из а дар цо харцахьа дехар яздар бахьан долаш. Цу кхалсага таро яцар нийса яздаь из дехар цӏаькха чудала, хӀана аьлча каьхаташ тӀа из хьахьожадаьд аьнна латтар, бакъда хьадоагӀаш дацар», - аьлар «Сердало» газетага ГӀР УПЧ хоамий-аналитически даькъ тӀа.
Цу кхалсага нийсденна хьал дӀа а лоархӀаш, сага бокъонех волча викала ГӏалгӀайче гӀолла йолча Россе Вахара ганза даькъ тӏа из гӏулакх дӀадахьийтар. Соцганза болхлоша юха а техкар из дош. Технически нийсденна гӀалат тоадир, кхалсага доагӀаш дола ахча хьадоладир пхе бера 100%.
