ИнгГУ хилар наха гӏулакх дерий кхетаченаш
ИнгГУ проректора Оздой Л. дакъа лоацаш, волонтёрий центро вӀашагӀъехкар пайда луш йола кхетаченаш, уж эшаш яр къаьстта сага диканга сатувсаш бисача наха. Уж дӀаяхьара керттера маӀан - тахан халача хьалашка бисарашта еш йола терко. Цу юкъе бар СВО доакъашхой, цар дезал, царна чӀоагӀа эшашр мехкахоша шоай оагӏув хьаллацар, нахацара къамаьл.
«Дезалашта делар кхачан тӀормигаш, иштта эшаш дола гуманитарни новкъостал. Центра болхлоша хьаллаьцар бӀухой гаргара нах. Къаьстта терко тӀаяхийтар да-нана доацаш дисача берашта. Хӏара бера, моллагӀча хьале из дале а, сага безам, йӀовхал эш», - аьлар «Сердало» газетага ГӏалгӀай паччахьалкхен университета зарбан болх лелабераша.
Цу кхетаченаша наха салоӀам бир. Студенташ-волонтёраш хьежар царна сатем бе, уж цхьаь боацилга дӀагойта. Цу кхетаченашка вуза кулгалхоша дакъа лоацаш хиларо хьагойт, наьха вахара оагӀув хьаллоацаш шоаш хилар, дешара центр хинна а ца Ӏеш, республикан бахархошта новкъостал де кийча хилар.
