Кердача дарбанга гӀолла унахочунна гӀо де аьттув баьлар вай лорий
18.08.2025 09:27
Республикерча кардиологически диспансере вена унахо леткъар; дегӀа низ бац ший, цхьаккха хӀама хьаде магац шийна, аьнна. УнахцӀенон министерстве белгалдечох, дӀатӀахьежача хоалуш кхы башха хӀама деце а, дегӀа хьал тешам боацаш долга зийнача лораша чакхваьккхар унахо.
Коронарни синдром яха, геттара сиха дарба дӀадахьа деза лазар гучадаьлар лорашта. Сиха оарцагӀа ухарий машин хьайийха, Ӏоахашканаькъан А.О. цӀерах йолча мехкарча РКБ дӀавигар из. Карарча хана хинначул дикагӀа да унахочун хьал, дарба дӀахохьош ба лораш. Лораш сов сиха оарцагӀбаларах, Даьла къахетамца, Цун низаца ханнахьа дарба доладаь, унахочун хьал кӀал ца дита аьттув баьлар.
