Керттерча декхарех дувцаш, кхетаче дӀайихьар Наьсарен кулгалхочо
28.10.2024 11:16
Лаьттан доазош, цӀенош боаггӀача боараме каьхаташца чӀоагӀдарах, ТБО эшача кердача моттигех, иштта кхыдарех дувцаш кхетаче дӀайихьар шахьара даь декхараш кхоачашдеш волча Тутайнаькъан Рамзана.
Администраце зарбан болх лелабераша беча хоамах, хӀара оагӀон болхлоша дийцар, кхоачашде дезача декхарех, иштта хьатӀадоагӀача шера проектаца дувзаденнарех хьоахадир. Тутайнаькъан Рамзана белгалдир, проект кийчъеш бахархошца дагавала везилга. ТӀехьарча шерашка бахархошкара администраце мел кхаьча дехараш тохкаш болх дӀахьо, аьнна, тӀадиллар цо.
