Хьехархой тӀаэцара Ерригроссе ди белгалдаьккхар республике
Россе, ардара бетта 5-ча дийнахьа, белгалду хьехархочун Ди, из цӀай хетадаь да ишколашка дешара даькъ тӀа къахьегарашта карагӀдаьнначоа. Цунца дувзаденна, моттигерча нах тӀаийбеча юкъарча фусаме дӀадихьар Ерригроссе хьехархой тӀаэцара ди. Кхетаче дӀайихьар гӀалгӀай Парламента спикера Тӏумхой Мухьмада, яхаш, хоам бу Халкъа Гуллама зарбан болх лелабераша.
Укхаза гулбеннараш таро йолаш бар Тӏумхой Мухьмадага шоай хаттар дала. ДукхагӀа дийца дош дар профессиональни ишкол хьалъяр. Хьехархой алапеш лакхдар, гӀалгӀай мотт юкъарча дешара моттигашка Ӏомабара лерхӀам бар. Хьоахадир цига.
Цу кхетаче дакъа лоацаш хилар дешара, культуран, хоамий политикан комитета кулгалхо, вице-спикер Хьаьшанаькъан Аза, иштта цунна чуйоагӀача министерствай болхлой. Хьехархошца цхьана цар дийцар хӀара денна нийслуш долча кхоачамбоацарех.
Юххера, кхетаче чакхйоалаш, Тӏумхой Мухьмада яхьашка котбаьннарашта, дика къахьегаш хьабоагӀача хьехархошта совгӀаташ а баркал оалаш грамоташ а елар.
