Гӏирме майрал гойташ веннача Тӏумхой Хьасана Россе Турпала цӏи лургья
2026 шера саькура бетта 24 бус дӀадоладенна 25 денга кхоачаш, Гӏирме феца гӀолла тӀабена тӀом юхатохаш веннача Тӏумхой Хьасанах бола керда хоам ба. Эпсара ший са кӀалъоттадаь кӏалхарбаьхар ший бӀухой, ше валлалца тӀема ха тӀа латташ.
Цу Ӏоажала бус Тӏумхой Хьасана кулгалдеш бола бӀу Ӏалашо еш бар; нах баха юрташ, цхьацца йола гӏишлош лораеш. Тӏема декхар кхоачашдеш болча хана, уж болча моттиге пилот чувоаца аппарат чухийцар. Сиха хоадам бе безаш дар этта хинна хьал, цига эпсара тӀаийцар итташ бӀухой кӏалхарбоахаш дола тӀема декхар.
Гаргарча наха, цунца хиннараша яхачох, Тӏумхой Хьасана амар дир, кхы ха ца йоаеш цу даькъ тӀара бӀу арабаккхарца дувзаденна, ше а царна новкъостал де эттар. Тӏеххьара салте маьрша волга халцца, из хилар цу даькъ тӀа. Къаьстта цу хана цхьакха а БПЛА чутехар, цох валар хилар эпсара – из кӀалхарвала кхоаванзар.
Денал гойташ, ший тӀема декхар дизза кхоачашдеш валар хилар Тӏумхой Хьасана. Цо ший са дӏаделар, шийцара новкъостий кӀалхарбоахаш. Хоамо яхачох, цунна паччахьалкхен доккха совгӀат – Российски Федераце Турпал – дала оттадаьд (валарца).
