ЗӀамигача вай мехкахочоа совгӀат дир, ший воша кӀалхарваккхарах
Илдарха-ГӀалий тӀа яхача, 9 шу даьннача Дзовранаькъан Хадиджайна совгӀат делар ГӀалгӀайчен Паччахьалкхен кулгалхочо, из иштта денал долаш хиларах, цо ший диъ шу даьнна воша кӀалхарваккхарах. Цул совгӀа, республикан Кулгалхочун цӀерагӀа Сластенин Владимира цунна елар «ГӀалгӀай паччахьалкхе хьакхелла 100 шу дизар» яха майдилг, иштта ахчан а кхыдола а совгӀаташ дир.
Маьцхали бетта, уж дезал салоӀаш хиннаб Селий мехка. КӀаьнк Ӏовихьав хин талгӀеша. Бакъда йишас сиха кхетадир цига фу де деза. Цо из хи чура ара а ваьккха, цунна хьалхара новкъостал дир, цу юкъе искусственно садахийтар а долаш. Республикан Паччахьалкхено хоам баь ма хиллара, Хадиджас из новкъостал дир, видеороликага гӀолла ше Ӏомадаьр бахьан долаш.
Белгалдоаккх, Дзовранаькъан Хадиджа деша ягӀа моттигерча гимназе йиълагӀча классе.
