Магӏалбика къона бахархой велосипедашца Даьхенна хетабаь никъ бе арабаьлар
Сийлахь-боккхача Даьймехка тӏем тӏа Котало яьккха 81 шу дизара хетабаь бола болам хьаллаца арабаьлар Магӏалбикера къонабараш. «Россе эпсараш» яха Ерригача Россе юкъарча моттигерча оагӏон доакъашхой бар цу гӏулакха хьалхаэттараш.
«Боккхача тӏема юкъе моастагӏа вохавеш, вай лаьтташкара аравоаккхаш лаьттараш дагалоацаш, царна боарам боаца баркал кхайкадеш, болам хилар цох. Белгалде деза из гӏулакх хьаллацар вай къонача тӏехьен лоархӏаме, Даьхенцара безам чӏоагӏбеш долга.
Бӏехача фашиста никъ хоадабеш, цо лаьрхӏар дохадеш, ше чугӏортарах дехкевоаккхаш, са ца кходеш лаьттарий цӏераш йовзаш, цар сий деш хила беза вай къонабараш», - дийцар «Сердалога» «Россе эпсараш» яхача республикан оагӏонна кулгал деча Галай Руслана.
Тӏемца дувзаденна дола истори шаьра ховш хила еза вай тӏехье. Иштта дола боламаш селханарча исторена, таханарча вахара юкъера бувзам хотташ дола тӏий да.
