ГӀалгӀайчен Кулгалхочо къонача джиу-джитсу чемпиона совгӀат делар
26.12.2024 10:08
Республикан хьалхарча вице-премьера кхетаче хилар ийс шу даьннача Шахмарзанаькъан Хас-Мухьмадаца, из дукха ха йоацаш котваьлар джиу-джитсах йолча дунен яхьашка. Уж дӀахьош яр Шолжа-ГӀалий тӀа.
Кхетаче йолаш, вице-премьера, «ГӀалгӀай паччахьалкхен 100 шу дизара» сийлен майдилг елар мехка кулгалхочун Келаматанаькъан Махьмуд-Ӏаьлий цӀерагӀа.
Белгалду, Шахмарзанаькъан Хас-Мухьмад - «Гракх» яхача тӀема клуба кхувш хилар. Из Ӏомавеш ва тренер Шибаланаькъан Азамат. Цо дукха майдилгаш а яьхай мехкашта юкъерча, ерригроссийски яхьашка. Цун хьинаро хьагойт, дика къахьегаш хилча, лакхара толамаш даха йиш йолга.
