Наькъашка лелара бокъонаш йовзийтар къонача инспекторашта
Наькъашка лораде дезараш довзийташ, кхетаче дӀайихьар къонача инспекторашца кагирхой гӀулакхех йолча комитето, Госавтоинспекце болхлоша, 18 шерга кхачанза барий гӀулакхех йолча Магасерча ОМВД викалашца цхьана.
Кагирхой гӀулакхех йолча комитета зарбан болх лелабераша белгалдечох, кхетаче дӀахьош берашта хьалхадаьккхар самокатаца, велосипедаца наькъал дехьа мишта вала веза, машинаш лелача наькъа гарга хилча, эггара чӀоагӀагӀа лораде дезараш фуд.
Цар белгалдир, наькъашка лораде дезараш фуд ховш дола бер паргӀатагӀа хулилга, цудухьа кхувш латтарашта из массахана хьалхадахар, наькъашкара бокъонаш лархӀа уж Ӏомабар лоархӀаме долга.
Кагирхой гӀулакхех йолча комитета болхло волча Гоамакортанаькъан Мустафас белгалдир, цу оагӀонцара болх хьаллоацаш, берашта наькъашкара культура Ӏомаеш хила езилга. Из деррига гойташ йола видеороликаш хьекхар берашка, наькъашкара бокъонаш йовзийташ дола каьхаташ дӀадийкъар.
