Кердача Реданта къонача бахархошта бовзийтар мехкахой - СВО турпалхой
Кердача Реданта культуран ЦӏагӀа «Салтечо тӀом харжац» яха деналца дувзаденна къамаьл хилар. Кхетаче яр, лаьрххӀача операце дакъа лоацаш хиннача ГӏалгӀайчен бахархошта карагӏдаьнначох дувцаш.
«Культуран болх вӀашагӀбеллача Хамхой Ӏашата дийцар вай кагийча наьха вахарах, шоай тӀема декхар цар сий долаш кхоачашдарах, СВО дӀахьош турпала гӀулакхаш гойташ, цар шоай синош цига Ӏодахка дезарах. Из къамаьл дӀадихьар лаьрххӀача гойтама юхе, цига го йиш яр Даьхен бӀухой сурташ, цар вахарера лоархӀаме моттигаш.
Боккхийчарна а берашта а лоархӀаме да уж турпалхой книжка тӀара а дагабеха нах а боацилга хар, уж ба эггара халагӀча хана Даьхе бахьан цаӀ санна этта майра, денал дола бӀухой», - аьлар кхетаче вӀашагӀъеллачо.
Вай мехкахой масал - из шоай Даьхе езаш хилар, цун тешаме къонгаш хилар да. Царна карагӀдаьнначо цецвоаккх, кхувш йоагӀача тӀехьенна доккха масал а гойт.
