Лохера Пхьуй яхача гӏалай юрта дошопхьара нажарг корайир археологашта
02.03.2026 09:53
Лохера Пхьуй яхача гӏалай юрта дошопхьара нажарг корайир археологашта. Из хоам «Сердалога» бера «Тӏехьале» яхача тӏоговзанчий ишколера.
«№ 4 йолча гӏала юхерча моттиге корайир из. Хьахетаргахьа, лакхерча моттигера чуежа хила езаш я из, цӏи яьннача хана. Цу тайпара хӏамаш укхазара кораягӏац. Цу хӏамо хьагойт, укх гӏалай юрта дошоца болх беш нах баьхалга.
Дотох яьча хӏамашка, иштта кхыдолча укхаза корадоагӏача цхьацца гӏирсашка хьежача, гуш да из», - дийцар тха газетага.
«Дошо хӏамаш хьаеча хана эшаш бола нажарг ба из. Гӏалай юрташка баьха вай даьй шоаш дошо хӏамаш хьаеш, дошоца болх лелабе ховш хиннилга хьахьокх цу гӏулакхо», - аьлар «Тӏехьале» яхача ишкола кулгал деча Султиганаькъан Рамзана.
