ГӏалгӀайчен вахархо «хаттабка» оала дӀандарг лелаярах бехктокхаме эзар
02.11.2024 14:38
ГӏалгӀай Республикан МагӀалбика кхален суде зуламца дувзаденна гӀулакх хьадийллар 1972 шера ваьча моттигерча вахархочунна духьала. Из бехке ву, кара хьаяь дӀандарг лелаярах, яхаш, дийцар «Сердало» газетага мехка бокъонаш лораераша.
«2024 шера тушола бетта шоай болх дӀахьош, Ӏаьдала болхлошта гучадаьлар Инаркъерча вахархочо «хаттабка» оала дӀандарг лелаеш хилар, из цун машина чура корайир, цул тӀехьагӀа из саг лаьцар.
Боахаме хьалхадаьккхар, цу тайпара зулам дарах ялх шергара бархӀ шерга кхаччалца набахта валла ха тохилга,100 эзар сом гӀод а токх, е ялх бетта цунна хьатӀабена пайда кӀалхьожабу.
