Россе Герзашцарча низий министра гӀончас хьаделар, Хьоашаланаькъан Султана валарца денна совгӀаташ
ЛаьрххӀа йола операци дӀахьош, шийна уллуврча бӀухочун хьалхара ший са дӀаденнача Хьоашаланаькъан Султана дезала паччахьалкхен совгӀат делар: «Российски Федераце Турпала дошо седкъа», «Денал гойтарах» ӀӀ-гӀа лоархӀам бола майдилг, Россе Турпал яха цӀи яларах сийлен грамота хьаелар, Россе Президента Амарах, Герзашцарча низий министра гӀончас Евкуранаькъан Ювназ-Бека.
28 шу даьнна Хьоашаланаькъан Адама Султан вар 5-ча тӀема юкъарча эскара Малхбоален куран 60-ча тӀалатача тоабан командир. Из велар Донецки Халкъа Республике, денал гойташ, шийна хьалхашка лаьтта тӀема декхар кхоачашдеш.
КӀимарса бетта 30-ча дийнахьа, цун тоаба тӀом беш яр «Клевер» яхача хьун даькъ тӀа. ТӀайоагӀаш йола дрон ше зийча, капитана дӀалачкъа аьнна амар делар. Бакъда, воккхагӀа волча сержанта А.С. Сайгина чов хиннилга ше кхийтача, Султан из кӀалхарваккха эттар. Ше кхоаванзар из дӀалачкъа, из цига велар.
