«АТМ» завод йолаеннай, миллион совгӏа радиатора дакъа арахеца
Йӏовхал лоаттаю радитораш арахецаш йолча «АТМ» заводо 2024 шера баьча балхага хьежача, балха овсарле лакхъяьй 10%. Хӏанз предприяте арахец миллион совгӏа радиаторий доакъош - 1 011 175.
Гӏалгӏай Республикан Кулгалхочун, Паччахьалкхен зарбан болх лелабераша тхога ма аллара, цу тайпара таро хилар уж хьакхоллара йола таронаш шеръярах, кердача мах бара хьалашка баларах. Заводо дер дукха хоатташ да, из эшаш да Центральни Россе меттел, иштта Селий, Нохчий, Ставропола мехкашка, Ростовски областе.
Цул совгӏа, «АТМ» дика вӏашагӏтох доазол арахьа дӏаяхьийта еза хӏама. Карарча шера уж езараш кхы а совбаьлар Гӏуозлой, Гуржий мехкашка, Узбекистане, Казахстане, Белоруссе.
Гӏалгӏайчен кулгалхочо Келаматанаькъан Махьмуд-Ӏаьлас белгалдир завод дегӏайоагӏаш хилар чӏоагӏа лоархӏаме долга, мехка промышленни таронаш совъяхара.
«Хьакхоллаш дар тӏакхеташ хилар 10% - из дика толам ба, бакъда болаш бола низ юкъебаккхаро кхы а дукхагӏа пайда бе таро лу»,- аьлар республикан Кулгалхочо. Цо иштта тӏатехар, предприятена хьалхашка лоархӏаме декхараш латташ хилар, овсарле совъяккхарца, мах бара керда наькъаш лахарца, иштта доазол арахьа ше дер дукхагӏа лоаттадарца дувзаденна.
Ӏаьдал шийгара эшаш дола новкъостал лоаттаде кийча да.
