Кхерамзлен хьалаца дувзаденнараш чӀоагӀдеш, болх дӀахьоргба ишколашка
ЦӀаьхха, ишколера нах зуламхоша карабигача, «ЛадувгӀа массане» яхаш, хатар хиннилгах хоам беш хезача, ишколерча къахьегамхоша, ишколера кхерамзле лораеш латтача Ӏаьдала болхлоша де дезар кердадоаккхаш бола болх дӀахьоргба кхоана республикерча ерригача ишколашка. Из хоам «Сердалога» бир Мехкадаь зарбан болх лелабераша. Берригаш фийла, моллагӀа тешаме доаца хӀама теркалдеш хила беза! Иштта дола хӀама зийначо, хье ца луш, хоам бе беза МВД болхлошка», - яздир Келаматанаькъан Махьмуд-Ӏаьлас ший телеграм-оагӀон тӀа, из гӀулакх мел лоархӀаме да белгалдеш.
Дешара шу хьатӀаоттача хана, вай мехкарча дешара моттигашкара кхерамзлен хьал чӀоагӀдеш болх дӀакхухь хӀара шера. МоллагӀа кхераме, унзара хӀама нийслойя, эггара хьалха де дезараш хьалхадоах наха. ХӀара саг малагӀча гӀулакха венав хайча мара, дӀачакхвоалийтаргвац дешара моттиге.
