МагӀалбика кхален вахархочоа гӀод техар, гонахьарча Ӏалама зе дарах
04.10.2024 16:04
МагӀалбика кхален Аьккхий-Юртара вахархо административни бехктокхаме эзар, цо гонахьарча Ӏалама зе дарах. Ца йоагӀача моттиге нувхаш Ӏокхайсай цо, цунца цхьана «Гонахьара Ӏалам лорадара» йола бокъонаш толха а еш. Из хоам «Сердало» газетага бир ГӏалгӀай Республикан Ӏалама Министерствос.
«Цига нувхаш дӀакхайса вола саг Ӏаьдало бехктокхаме оз. Из зулам дарах гӀод тохаргда: бахархошта 1000 сомагара 2000 самага кхаччалца; гӀулакхерча наха 10 000 сомагара 30 000 сомага кхаччалца; (РФ 8.2 КоАП)», - аьлар Ӏалам лорадара боахаме.
Укх наькъа цу сага административни бехктокхаме озаш, гӀод техар 2000 сом. Нагахьа санна из дӀа ца луш моттиг хуле, суда пирстопаша из хьадоаккхаргда.
