Магӏалбика кхалерча Вежарий-Юртара бахархой экологически болам хьаллаца арабаьлар
13.03.2026 09:31
Бӏаьстан денош хьаоттарца, шоаш бахаш болча моттиге экологически болам боаржабе арабаьлар Вежарий-Юртара бахархой, администраци. ӏан денош тӏехьашка дусаш, лоа дешача лостам бе беза моттигаш дукха хул, хӏаьта цу юртарча наха из лоархӏаме да.
«Лаьрххӏа машинаш араяьха, наькъа йистош цӏенъеш, юрта доазон тӏара нувхаш, гаьнаш дӏайоахаш, къахьегаш бар нах. Бӏаь совгӏа нувхий галеш арадаьхар цигара», - дийцар «Сердалога» Магӏалбика кхален администраце.
Бахархошта юкъера бувзам, барт чӏоагӏбеш да иштта берригаш цхьана шоай юрта лостам бе оттар. Кхален администраце доккха баркал аьлар, шоай юртах дог лазаш, из беркате гӏулакх хьаллаца ара мел баьннарашта.
