Наьсарерча вахархочоа, наьха машин йохаярах, суд ергья
03.03.2026 16:20
Моттигерча вахархочо лаьрххӏа наьха машин йохаярах, из бехке веш дола гӀулакх чӀоагӀдир Наьсарен-Шахьара прокуратуро, яхаш, дийцар «Сердало» газетага ГӀР тӀахьожама боахаме.
«Тохкамхочо чӀоагӀдир, бехкевеш волча сага, Наьсарен-Шахьара Боренаькъан урам тӏа волаш, шийна вовзаш воацача сагаца дов даьккха хилар. Цул тӀехьагӀа, цун доалахьардар дохаде уйла йолаш, гӀадж йийттар «ВАЗ 21124» тайпа йолча наьха автомобила», - йоах хоамо.
Цу тайпара, машин йохаярах зуламхочо цу сага зе дир 13 000 сома.
Зуламца дувзаденна гӀулакх прокурора дӀадахьийтар ГӀР Магаса кхален суде, цо белгалдергда хиннар фуд а хьанна малагӏа бехк бергба а.
