ГӀалгӀай къаман
юкъара газет

Кердадараш

Аьрзерча беркатеча Iаламах дувц, республикан бахархошта

Аьрзерча беркатеча, барг тIаотташ долча хозача Iаламах, цигарча оакхарех лаьца дувц республикан бахархошта Iалама гIулакхах йолча министерствон болхлоша. Из хоам «Сердало» газетага бу Iалама тIахьожам лоаттабераша. «30% кхоачаш дола лаьтташ хьунаш йолаш да.

Гобаьккха лакха гувнаш долаш, беркате моттиг я из. 47 тайпара жIале нускалаш дагIа цига, 29 тайпара Iов багIа, из диъ фу долаш ба», - йоах тхогарча хоамо. Тайп-тайпара оакхарий дахаш моттиг я Аьрзи.

Чанарч, цогалаш, бертий, акха хьакхарч, соалораш, лийгаш, лаьтта оахкараш, пхьагалаш, шаткъаш, акха цискаш, борцакхаш, иштта кхыдола дукха кагий дийнаташ дах цига.

Геттара чIоагIа лорадеш, дукха диса доацарех да ер хIамаш: еначкъаьра, Динника яха лехь, малхбузен оала дохьаж детта бIехал, акха котам, пхьид, лаьча, гIаьртал, Iаьржа миккхал, кIай корта бола гIиргIа лаьча, кишкирг, модж йола кер, сийрда-цIе алкхашк лоаман хьазилг, гоалзIокарг, шокилг, цIе ткъамаш дола пенашта тIадувларг, муIа ягIа чкъорд, акха кавказски циск, мосар, ферх, иштта кхыяраш а.

Из деррига беркат чIоагIа лоро эшаш, хьун боахама дезаш да. Вайх хIаране декхар да, Iалама хозленаш лораеш, дIадахар.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде