«Нах Ӏехабеш, массехк оагӀорахьара телефон тоха йиш я: оператор волаш санна, е бувзам миштаб хьожаш санна; товараш дохкаш; вахарца дувзаденна хаттараш луш санна», - аьлар МВД.

Тийшаболх лелабеча наха абонентага хаттараш лу- хӀаьта цар цунна жоп лу. Керттера цар декхар да, «да» яха дош цар оазаца шоашта хьахазийтар. Цар цу оазаца ахча лочкъаду цу сага чота тӀара, массехк банкашка гӀолла цар биометрически нийса хилара кеп хьа а лехе.

Цу тайпара зулам дара, царна эшар я аргӀанарча сага оаз.

Таханарча заман технологей дуне чоалхане да, цо бӀарчча гойтама хьалаш хьакхолл, «дийнду» статистически сурташ, иштта кхы дуккхадараш ду. Цудухьа, массайолча хана, фийла хила веза, цу тайпарча хьале ше нийслургвоацаш, хаттарашта жоп ца далар, «да» яхача дешах лоравалар кхы а дикагӀа да. Шоашта цу тайпара къамаьл нийслой, из сиха хоададе.

Цкъа хьалхагӀа уйла е, тӀаккха мара ма де цхьаккха а. Бувзама дикалга говзанчаш, шо доацаш, хьажа йиш йолаш ба, товараш а юкъелаттача сагага гӀолла хьаэца йиш я, цхьацца хоаттам беча хана гойтам безаш бац- анкеташ яздича кхоачам болаш да.