ГӀалгӀай къаман
юкъара газет

Новости


Гӏалгӏайчен 101 шу даьннача ахархочун пенси меттаоттадир, УПЧ юкъевеначул тӏехьагӏа

Гӏалгӏайчен 101 шу даьннача ахархочун пенси меттаоттадир, УПЧ юкъевеначул тӏехьагӏа

Гӏалгӏайчен сага бокъонех волча викалга леткъар 101 шу даьннача ший наьна бокъо меттаоттаяр дехаш йола Магаса яхархо. Цо белгалдир, 2026 шера ардара бутт болалуш, цу йоккхача сага деррига ахчаш совцадаь хилар. Йоӏа яхачох, из ахча цкъарчоа ший аргӏагӏа йоккхача сага чота тӏа хьатӏадаьлар, бакъда цул тӏехьагӏа цу тӏера сиха юха дӏадихьар: «2026 шера ардара бетта 1-ча дийнахьа, наьна чота тӏа воӏ валарах луш дола тӏема пенси хьадайтад, хӏаьта ардара бетта 2-ча дийнахьа страховой оала пенси а хьатӏадаьлар. Бакъда цу дийнахьа, 12 сахьат доалача хана, из деррига ахча юха дӏадихьар чота тӏара».

«Сердало» газетага ГӀР йолча УПЧ хоамий-аналитически даькъ тӏа ма аллара, из хьал тахкара, Гӏалгӏайчен сага бокъонех волча викала лаьрххӏа дола хаттар дӏадахьийтар Россе Вахара ганзе.

Тӏахьожама болх дӏабихьачул тӏехьагӏа, гуш хилар цун бахьан. Из дар, 100 шу совгӏа даьннача наьха пенсе хьал тохкаш бола тӏахьожама болх дӏахьош хиларца дувзаденна, цига тувлаяьй из йоккха саг яхаш йола моттиг. Шозлагӏа из болх техка баьлча, из дӏаязйир, цигара цо пенси ийдергдолаш. Россе Вахара ганзо йоккхача сага деррига тӏера дӏадихьа хинна ахча- 83 191 сом - юха хьадайтар.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх