ГӀалгӀай къаман
юкъара газет

Новости


Магӏалбикерча интернате хьайийллар мехкахоех болча дагалоаттама «Турпалхой Парташ»

Магӏалбикерча интернате хьайийллар мехкахоех болча дагалоаттама «Турпалхой Парташ»

Магӏалбика-Шахьара №4 йолча ишколе-интернате «Даьхен лорабой» ганза филиало лаьрххӏа «Турпалхой Парташ» хьайийллар. Цӏи тӏатеха йола дешара парташ хетаяь я, шоай тӏема декхар кхоачашдеш белгалбаьннача вай бӏухошта: Россе Турпалхочунна Боканаькъан Мустафайна, Денала орден еннача Ӏарчакханаькъан Ибрахӏима.

«Сердало» газетага «Даьхен лорабой» ганзе ма аллара, хӏара парта тӏа царех бола вахара хоам ба. Дешархошта из чӏоагӏа лоархӏаме да, царна дикагӏа бовзаш хургба шоай мехкахой-турпалхой, иштта довзаргда хьамсарча мехка истори.

Из лоархӏаме кхетаче дӏахьош, дакъа лоацаш бар бӏухой гаргара нах, «Даьхен лорабой» филиала вахара оагӏонца бувзабенна болх лелабераш, лаьрххӏача тӏема операце ветеранаш, иштта шахьара администраце викалаш, юкъарлон болхлой.

Цига шоайла къамаьл хилар СВО бӏухой, цар къамаьл дир дешархошца, иштта хьалхадаьккхар денал, майрал долаш, тӏема гӏулакх дика дӏахьош хила безилга. Гулбеннараша йист ца хулача минотаца дагалаьцар тӏем тӏа бейнараш.

«Турпалхочун Парта» яха дешара проект хиларо новкъостал ду кхувш йоагӏача тӏехьенна юкъера бувзам лелабе, шоай турпалхой дагалоаттабе. Вай бӏухой вайна сица дагабоагӏаш хургба даим.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх