ГӀалгӀай къаман
юкъара газет

Новости


СВО Гӏалгӏайчера ветеранашта довзийтар кхача мишта кийчбу

СВО Гӏалгӏайчера ветеранашта довзийтар кхача мишта кийчбу

СВО Гӏалгӏайчен ветеранаш, «Даьхен лорабой» ганза филиала новкъостал а деш, бахар «Умка» ООО яхача дулхах даь даараш арахецача боахаме. Из деш дар шоай доалахьара хӏама леладеча наьха болх бовза, СВО доакъашхошта гойта. Ювца проект вӏашагӏъеллай «Са бизнес» яхача центро, Гӏалгӏайчен «ПТОиВМ» ДПО АНО дешара центраца цхьана. Из чуйоагӏаш я зӏамига, юкъера бизнес лелаяра балха. Цу гӏулакха керттера бахьан дар компанеша беш бола болх дикагӏа бовзийтар, паччахьалкхено, уж хьаллоацаш, малагӏа новкъостал ду гойтар.

«Сердало» газетага, «Даьхен лорабой» ганзе ма аллара, цехашка гӏолла экскурси йир «Умка» ООО йолча дас Малсаганаькъан Ахьмада. Цо дийцар ший предприяти дегӏайоалаярах, дӏахо де лерхӏачох. Ветеранашта гуш хилар беррига даара кхоачам кийчбара хьалаш, юххера а чам баьккхар кийчдаьча даарех.

«Дег чура баркал оал «Даьхен лорабой» ганза филиала, «Са бизнес» яхача Центра иштта дика программа цар гойтарах. Со тешаш ва предприяте болх бӏаргабайначул тӏехьагӏа, цар цох пайда эцаргба», - аьлар СВО ветерана Темарханаькъан Амирана.

Дешара программанна чудоагӏаш компанешка хьажарал, кулгалхошца къамаьл хиларал совгӏа, кхыйола таронаш а лу бӏухошта цар шоашта мегаш бола болх лахара. Цун доакъашхой чакхбоал теоретически, практически оагӏонга гӏолла, цар кхетаю йоал яккхара бокъоний таронаш, иштта мах оттабу проекташ дӏайолаяра долча хьалашта.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх