ДПС болхлошта, «Сунт» яха болам дӏахьош, ПДД 178-зза бокъонаш телхаеш моттигаш нийсъелар
Гӏалгӏайче гӏолла йолча МВД Госавтоинспекце новкъа ха деча къаьсттача болхлоша «Сунт» яха рейд дӏайихьар. Тӏахьожам бир «Даькъасте» яхача федеральни новкъа, иштта «Наьсаре-Магӏалбик» наькъ тӏа. Керттера декхар дар, наькъа кхерамзлен бокъонаш лораяр.
«Сердало» газетага, Гӏалгӏайче гӏолла йолча Россе МВД зарбан болх лелабераша яхачох, рейд дӏахьош полице юхатехар 178 административни бокъонаш телхаеш дола гӏулакх. Кастагӏа нийслуш дар кораш баьддеш хилар. Уж моттигаш 43 яр. Цул совгӏа, ДПС болхлоша соцавир машинашца наькъа бокъонаш телхаеш хинна 19 водитель.
Инспектораша керттера терко тӏаяхийтар машина номераш нийса йий хьажара. Цу даькъ тӏа 6 моттиг гучаяьлар машиинаш дӏаязъянза йолаш, 3 паччахьалкхен дӏаязъяра белгало йоацаш, 3 номераш харцахьа йолаш, 2 харцахьа каьхаташ долаш. Цу юкъе нийсделар цаӏ ший боацача наькъ тӏа воагӏаш хилар, лаьрххӏа дола гӏанд доацаш бераца воагӏаш хилар.
Цу тайпара 23 автомобила водителаш цу моттиге машина кораш сийрдадаха дезаш хилар, 19 машина лаьрххӏача моттиге дӏайигар.