ГӀалгӀай къаман
юкъара газет

Новости


Магӏалбикерча къонача эскархошта дийцар, саг чувоацача гӏирсий технологеех

Магӏалбик-Шахьара Къонача эскара Цӏагӏа кхетаче хилар. Из хетаяь яр, дронашца болх бе ӏомалуча операторашта. Халкъа фронта «Лакхалга!» яхача проекта инструктора Кхоартой Ислама боламе ӏомалуш барашта хоадам боллаш дийцар БПЛА гӏирсех.

«Сердало» газетага, Гӏалгӏайчен Халкъа фронте ма аллара, цига вӏашагӏкхетар долаш, къонача эскархошта дайзар пилот чувоацача гӏирсашца болх беш эшача хьалхарча даькъах, иштта царна хайра цу даькъ тӏа тахан кагирхошта хьалхашка малагӏа таронаш я.

Из кхетаче дӏахьош хинначо дийцар тахан кагирхошта дагадоахкаш дола керттера хаттараш, - дехар мишта чудала деза, ерригроссийски яхьаш мишта дӏаяхьа еза, из дешар мишта вӏашагӏдолл - юххьанца ха дезачунгара гӏеташ долча пилот чу воацача гӏирсашка кхаччалца.

Къаьстта дешархоша терко тӏайохийташ хиннар дар, проекте дакъа лаца таро хилар. Цул совгӏа, шоай низага хьажа хар, цига котбаьннараш дикка новкъостал деш хьаллоацаргба. Цул совгӏа юкъара совгӏата мах 10 миллион сом ба. Цар таро хургья ӏомабала, дӏахо мехка хьалхале лелаеча технологей компанешца болх бе.

Кхоартой Ислама белгала ма дарра, цига дакъа лаца йиш йолаш ва хӏаравар - БПЛА оператора професси ӏомае, яхьашка дакъа лаца йиш я гӏетташ бола ший гӏирс беце а. Кхетаче дӏаяхьаро берашта таро елар вай заман инженерни, таьрахьий таронаш йовза, иштта шоашта ховш дар доаржадара никъ хьабелла.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх