ИнгГУ студентка котъяьлар, Москве дӏахьоча Халкъашта юкъерча конгрессе
Гӏалгӏай паччахьалкхен университета лорий института 5-ча курсе ягӏа студентка Кокуева Дина котъяьлар «Кагирхой ӏилман яхьашка». Дика толам гойтар ИнгГУ викала «Вахара лоархӏаме инфекцеш: уж массайолча оагӏорахьара йовзар, цар керда хаттараш» яха Халкъашта юкъера III-гӏа конгресс дӏахьош, из хилар 2026 шера лайчилла бетта 11-ча денгара 13-ча денга кхаччалца. Кхетаче хетаяь яр РАН академика Хоменко А.Г. 100 шу дизара.
Цу лоархӏамеча вӏашагӏкхетаре Кокуева Динас йийшар тохкама балха доклад, из хетаяь яр «Цхьан белггала йолча хана сага цӏий хьадаш хилар: из хила дезаш да е дац яхача хаттара. Болх кийчбир; ӏилман кулгалдеш хиннача хьехамчас, профессора Гетагӏазанаькъан Заретас новкъостал деш.
Гӏалгӏайчен студенткас дийцар, говзанчаша тӏаийцар, лакха мах оттабеш; кхелахоша, цхьа барт болаш, цунна хьалхара моттиг елар. «Кагирхой ӏилман яхьашка» дикагӏа йола моттиг яккхара къахьегаш бар, Россе тайп-тайпарча моттигашкара, кхыча мехкара баьхка къона говзанчаш, студенташ-лораш. Цар гойтар цу яхьашка чоалхане клинически декхараш мишта кхоачашду.
Кокуева Динас халкъашта юкъерча кхетаче гойтар лорий дешара лакха боарам, иштта Гӏалгӏайчен паччахьалкхен университета чӏоагӏа ӏилман кӏийле хилар.