Наьсарен кхален администраце дийцар, юрташ дегӏакхувлара дешаш
Наьсарен кхален кулгалхочо Овшанаькъан Мухарбика, доал деча даькъ тӏарча кулгалхошца вӏашагӏкхетар дӏадихьар. Из хетадаь дар, нах бахача моттигашка хьалхашка нийслуш дола хаттараш кхоачашдара. Цига дийца керттера хаттар дар дукха ха йоацаш Сурхо тӏа, бокъонах доацаш, хьу тийда моттиг нийсъялар.
«Сердало» газетага, Наьсарен кхален администраце ма аллара, кхетачен доакъашхоша дийцар из хьал тахкар, из гӏулакха чудоагӏача боахамашца, бокъонаш лораяра болхлошца цхьана бувзам лелабар, бехкебараш бехктокхаме озар.
Къаьстта дола хаттараш дар вахара-коммунальни даькъ тӏа. Цига иштта дийцар ЖКХ хьалаш леладарах дола декхар гулдара дош. Овшанаькъан Мухарбика юрта администрацей кулгалхошта тӏадиллар, моттигерча нахаца къамаьл дар, цунца цхьана таронаш лелаеча моттигашца цхьана дӏахьош бола болх тоабар. Цул совгӏа, кхетаче дийцар; кхален юрташка коммунальни таронаш лелаяра хьал тӏахьожам болаш хилийта дезарах. Кхетаче дийцар Пхьилекъонгий-Юрта газа турба хувца езаш хиларах. Кхален кулгалхочо терко тӏаяхийтар из болх дика а сиха дӏабахьа безаш а хилара.
Вӏашагӏкхетар чакхдоалаш, Овшанаькъан Мухарбика юртарча администрацей кулгалхошта хьалхашка хоадам боллаш дола декхараш оттадир. Цига дийца хаттараш кхоачашдара тӏахьожам лоаттабергба.