Гӏалгӏай Парламента дакъа лацарца, вахар хаьдача СВО 59 турпалá Паччахьалкхен совгӏаташ делар
Тӏема операце моттигашка вахар хаьдача вай мехкарча бӏухошта, паччахьалкхен совгӏаташ далара балха юкъе дакъа лоацаш хиларах, доккха баркал кхайкадир тӏема комиссариата республикерча Халкъа Гуллама. Мехкарча Парламента, тӏема комиссариата вӏаший бувзам лоаттабеш хиларах, тӏема декхараш кхоачашдеш лаьтта вай мехкахой боаггӏача боараме, нийсхонца белгалбе аьттув баьлар.
«Сердалога» баьча хоамах, Халкъа Гуллама унахцӏенон гӏулакхех, вахара политиках, ветераний, тӏема операце доакъашхой гӏулакхех йолча комитета дӏабихьар из лоархӏаме болх. Бӏухошта паччахьалкхен совгӏаташ къоастадергдолаш; эшаш дола хоамаш, каьхаташ гулдеш къахьийгар депутаташа. РФ герзашцарча низий Министерстве лаьрххӏа дехар дахьийтар цар; тӏема аренашка вахар хаьда 59 бӏухо паччахьалкхен совгӏаташца белгалве, аьнна. Министерстве хьаллаьцар; царех хӏара бӏухочун цӏерах паччахьалкхен совгӏат къоастаде, аьнна.
Депутаташа дӏабихьа из болх доккха баркал ала дезарех ба аьлча харцахьа хургдац, хӏана аьлча вай къаман исторена, къонгаш байнача дезалашта чӏоагӏа лоархӏаме гӏулакх да из тахан. Даьхен гӏулакха арабаьккхача наькъ тӏа вахар хаьдарий цӏераш массанена йовзаш хила еза.
