Гӏалгӏайчен Кулгалхочо хьадийхар, къаман проекташта тӏахьожам лоаттабар
Гӏалгӏайчен кулгалхочо Келаматанаькъан Махьмуд-ӏаьлас тӏадиллар республикан министерствай, боахамий кулгалхошта; къаман проекташ кхоачашъяра тӏахьожам лоаттабар. Цу проектех, ардара беттага диллача республика хьалха я Россе юкъерча боарамал. Карарча хана, республике кассага гӏоллча чакхдалара хьал 85% кхоачаш да, из мехка гӏолла долча 72% дукхагӏа да.
Карарча шера къаман проекташ кхоачашъяра, Гӏалгӏайченна деннад 5, 744 миллион сом. Лайчилла беттага кхоачаш, бюджета ахча контрактах дӏачӏоагӏдаь даьлар 99,3%. Республикан Кулгалхочо белгалдир, республика дикка хьалха йодаш я ворхӏ проектах, из Россе гӏолла долча толамел хьалха я, хӏаьта «Туризм, хьаьша тӏаэцар», «Пайда луш йолча яхьий экономика» яхача проектех ахча дӏадаха даьннад.
Керда рузкъан шу чакхдалара кӏезига ха йиса хиларга хьежжа, Келаматанаькъан Махьмуд-ӏаьлас министрий кабинета хьалхашка декхар оттадир, из хьал мел цадалийтара. Тӏадиллача декхарах, еррига хьалъеш латта моттигаш юкъеяхьа хила еза, тӏаийца декхараш шоай ханнахьа кхоачашде, цунга дӏадодаш долча сомага кхаччалца дола ахча ший даха дезача дӏадаха хилийтар да керттердар.
Республикан Кулгалхочо яхачох, цу дерригне кертера маӏан да, Гӏалгӏайчен бахархой вахара хьалаш дикагӏа хилийтар.
