Судо тохкаргда Гӏалгӏайчен ӏалама Министерствон викала даь зулам
Тохкама комитета йистедаьккхар Гӏалгӏайчен ӏалама Министерствон экологически тӏахьожама даькъа хьалхале лелаеча говзанча духьала ше дӏахьош хинна уголовни гӏулакх. Из бехке ву РФ УК 3 даькъа статья 159 статьях, ший балха моттиге цо зулам дарах.
«Тохкама болх дӏахьош белгалдир, 2022 шера Магӏалбик-Шахьара, Магӏалбика кхален даькъ тӏа ӏалама мах бараш лечкъадеш хиннача, вӏашагӏъеллача тоаба доакъашхошкара 100 000 сом хьаийцар, цар деш дола зулам къайлахьоргда ше, аьнна. Цул совгӏа, уж къайлабахьара балхаца вувзавенна а хиннавац», - аьлар «Сердало» газетага Гӏалгӏайчен тохкама болх лелабераша.
Тохкама болх лелабераша цун бехк хилар ма дарра гучадаьккхар, уголовни гӏулакх суде дӏадахьийтар. Из болх вӏашагӏбеллар Гӏалгӏайче гӏолла йолча Россе УФСБ болхлоша.
