Дунен хьалхале къайсача, борза майдилг йоаккхаш, белгалваьлар Хоаной ИсмаIал
02.11.2026 12:21
Астане дӏайихьача дунен Чемпионате кхоалагӏа моттиг яьккхар вай мехкахочо Хоаной Исмаӏала. 19 шу даьнна Россе чемпион вола вай мехкахо лакха говзал гойташ летар цу яхьашка.
79 кийла дозал дарашта юкъе белгалваьлар вай мехкахо Эрмалой мехкарча спортсменаца гӏерта (11:0), Гуржий мехкарча спортсменаца - (10:0), иштта из гӏертар американски спортсменаца Хейнсу Левеца.
Яхьаш йистейоалача хана Азе, Азиатски ловзарий чемпион волча Монголерча Олонбаяр Сулдхууца лета, из эшаве аьттув баьлар вай мехкахочун. 6:0 йолаш сецар из къовсам, вай спортсмен кхоалагӏча лагӏа тӏа отташ.
