Гӏалгӏайчен 657 бизнесмен болх беш ва «Дикала белгало» яхача даькъ тӏа
Гӏалгӏайче дика юкъедоалаш латт арахецаш долча товара таьрахьий белгало оттаяр, цо таро лу продукце дикал, кхерамзле лакхъе, иштта шоай доалахьара хӏама леладеча наха юкъе нийсхо йола яхьаш йоаржае. Карарча хана Гӏалгӏайчен 657 бизнесмен, иштта компанеш болх беш я «Дикала белгало» яхача даькъ тӏа.
Гӏалгӏай Республикан Кулгалхочун, Паччахьалкхен зарбан болх лелабераша яхачох, белгалон оагӏув юкъеяьккхачул тӏехьагӏа, къайлагӏа беш бола болх лаьгӏбелар 30 процентагара 9 процентага кхаччалца. Гӏалгӏайче ший аргӏагӏа дӏахьош ба ма хулла дукхагӏа компанеш юкъейоахаш, шоаш арахецача товара белгало дика кхолла гӏерташ. Наьсаре хьайийллар лаьрххӏа йола Центр, цига бизнес лелаерий таро я мах боацаш шоай балхах дола хьал довза. Шоаш дӏа а ца язбеш, хӏама леладерашца болх беш ба. Из болх дӏабахьарах 1270 моттиг гучаяьлар.
«Тха декхар - хьалхашка латта хаттар хӏаранена ма дарра дӏадовзийтар. Оаха хьакхолларгда ӏаьдала бокъонца чӏоагӏбаь бола болх лелабара эшаш мел дола хьалаш, мах бара даькъ тӏара болх а къаьга, массанена кхерамзле йоацаш хилийтара», - аьлар Гӏалгӏайчен кулгалхочо Келаматанаькъан Махьмуд-ӏаьлас, цу балхах дувцаш.
