Гӏалгӏайчен «Даьхен лорабой» ганзо хьаллаьцар, СВО веннача бӏухочун нана
«Даьхен лорабой» ганза Гӏалгӏайчен филиала вахара оагӏонцара болх лелабеча Коазой Хьамида новкъостал дир СВО веннача бӏухочун Курскенаькъан Абубакара нанна дарба де яха. Воӏ венна йисача наьна бӏаргаш дайра, хӏаьта дукха ха йоацаш ӏоежа ког а кагбир. Хӏанз цунна эшаш дола гӏо деш, цунга хьожаш ба лораш.
«Коазой Хьамида новкъостал дир эшаш дола каьхаташ даха, цо иштта вӏашагӏделлар из Магӏалбикерча дарбанче ӏоюжаяр. Лораша сиха цунна къаьстта йола палата а кийчйир, эшаш дола гӏо а дир. Хӏанз, веннача бӏухочун нана лорий тӏахьожам болаш я», - аьлар «Сердало» газетага цу ганзе.
СВО доакъашхой дезал хьаллацар керттера декхар да цу ганза. Из болх лелабераш хӏара бӏухочун дезал болча болх, царна фу эш хьож, хьалхашка нийслу декхараш кхоачашду. Эшача уж дарба де сиха дӏахьежабу, царна эшаш йола льготаш яха новкъостал ду, бӏухочун гаргара нах хьаллоацаш, из беррига болх дӏахьош я ганз.
